111
Un citadin austriac di 57 agns al è restât ferît a plui di 2.300 metris di cuote dopo jessi sbrissât su la nêf dilunc di une calade dal Jôf di Montâs.
L’incident – al riferìs il Socors Alpin – al è sucedût pôc sot de Scjale Pipan: l’escursionist al è sbrissât par une trentine di metris e si è fermât sui crets, cuntune frature suspiete a une gjambe.
A clamâ i socors al è stât il so compagn di gjite. Sul puest al è rivât l’elicotar dal socors sanitari che si è calât cu la binte par plui di 40 metris. L’om al è stât recuperât e puartât in ospedâl. (A.D.G.) – 22.06.2023
