Fieste teatrâl pal puint di Dignan

I avigniments par celebrâ i cent agns dal puint di Dignan-Spilimberc a scomencin sabide ai 24 al Cjistiel di Colorêt di Montalban, cul spetacul curât di Dino Persello “Auguri signor ponte 100”.  Al è un progjet teatrâl e musicâl dedicât ae storie di une infrastruture strategjiche e fondamentâl pal disvilup socioeconomic dal Friûl-Vignesie Julie, des primis ideis che a tachin ae metât dal Votcent fint a rivâ al progjet definitîf, cun vicendis e fatuts curiôs. Un “viaç” origjinâl e intim, tra peraulis, cjants e musichis leâts ae int e ai lûcs. (A.I.) – 23.06.2023