Ae scuvierte dal Mediterani cun “Dedica”

Inte suaze di “Dedica Incontra”, il cartelon di avigniments che la associazion culturâl Thesis e inmanee dut l’an, la sale de ex Tipografie Savio di Pordenon e ospite martars ai 27 aes 5.45 dopomisdì “Il gran racconto del Mediterraneo”: une conversazion cul scritôr Edigio Ivetic, docent di Storie moderne, de Europe orientâl e dal Mediterani ae Universitât di Padue e autôr di une schirie di saçs. Ivetic al fevelarà di chê straordenarie “planure fluide” che e je il Mare Nostrum, il cûr incandessent di un unic continent afro-euro-asiatic, l’epicentri de grande storie, dialogant cul espert di gjeopolitiche Cristiano Riva. (A.I.) – 26.06.2023