Une lezion spetacul pai 100 agns de Hack

Dopo doi spetacui itinerants e multimediâi sul Cjars, la rassegne multidissiplinâr “Contaminazioni Digitali”, promovude dal Comun di Turiac, e va indevant joibe ai 29 cuntun incuintri dedicât a Margherita Hack, intitulât “Stele tra lis stelis”. Curade dal gjornalist, scritôr e condutôr radiotelevisîf Federico Taddia in ocasion dal decenâl de muart de grande astrofisiche triestine, aes 7 di sere inte plaçute daûr dal Municipi, la lezion spetacul e ripasse lis tapis e i messaçs fondamentâi di une femine che ancjemò e sa fevelâ a dutis lis gjenerazions. Aes 9 sore sere in place dal Municipi, “Donne che cambiano il mondo”, spetacul cun Aida Talliente, Elsa Martin e Giulia Spanghero. (A.I.) – 28.06.2023