Simpri plui automazion: plui formazion par salvâ puescj di lavôr

Il Friûl-Vignesie Julie al è tra lis cinc regjons talianis “cul plui alt infissiment di lavoradôrs in setôrs a alt pericul automazion”: 106.157 di lôr, il 29,3% dai ocupâts. Al è il prin dât che al ven sù de analisi finide dal Ufici studis Confartigianato nazionâl in colaborazion cul Osservatorio Mpi Confartigianato Lombardia sul ventesim cuint report “Inteligjence artificiâl, lavôr e impresis”. Al è un fenomen che al rivuarde ancje lis impresis piçulis e mediis, cjapadis dentri chês artesanis. “Al è un dât che al evidence cemût che sul marcjât dal lavôr al cambiarà il contignût des posizions di vore – al comente il president di Confartigianato Fvg, Graziano Tilatti – e si ativarà une domande consistente di formazion e ricualificazion dai lavoradôrs”. Il procès, par altri, al è za in at e “ce che o rilevìn – al continue Tilatti – al è che la automazion no gjave puescj di vore, ma e domande gnûfs profîi. La sfide par impresis e lavoradôrs e je chê de formazion, sedi par cui che al fâs imprese, sedi par cui che al opere”. (A.D.G.) – 29.06.2023