La opare di Bellini intal vert a “km zero”

Martars ai 4 e joibe ai 6 al Cjistiel di Spesse, in Comun di Caprive, al è in program un dai spetacui plui spietâts dal Piccolo Opera Festival: un dopli apontament cun “La Sonnambula” di Vincenzo Bellini, che e larà in sene intal inmagant “Teatri di frascjam”. Lis regjistis Marialuisa Bafunno e Vanessa Codutti a preparin sul palc naturâl un spetacul sostignibil e a impat zero, che si integre dal dut cul ambient ator, e ancje lis senis e i costums di Marina Conti si cumbinin cul paisaç bucolic. A dâ vôs e cuarp ai personaçs di “La Sonnambula”, un prestigjôs grup transfrontalîr: il diretôr sloven Marko Hribernik, i soliscj Nina Dominko, Juan Antonio Sanabria e Alessandro Abis, la GO! Borderless Orchestra & Choir. (A.I.) – 03.07.2023