Ecofarm, aziende dal Grup Luci, al à screât inte sô sede a Remanzâs il gnûf implant di sterilizazion di refudums sanitaris pericolôs a pericul infetîf.
L’implant – il prin in Friûl-Vignesie Julie – al trasforme i refudums a pericul infetîf in refudums no pericolôs e al permet di limitâ l’impat ambientâl.
Al avigniment a jerin presintis tantis autoritâts locâls e istituzionâls, che a àn vût un bon acet de bande di Adriano Luci, president dal Gruppo Luci, e de sindiche di Remanzâs, Daniela Briz.
“Cul implant di sterilizazion o volìn ampliâ lis ativitâts di imagazenament e tratament dai refudums sanitaris, fasint jeve su la atuazion dal principi di prossimitât racomandât des diretivis in ambit di gjestion refudums, par che il tratament al sedi fat dongje dai lûcs di produzion. Chest al compuarte, cun di plui, coscj di tratament sostignibii”, al sotlinee Paride Luci, president di Ecofarm.
Di fat, i refudums prodots de sterilizazion a saran doprâts pal recupar energjetic intai implants di termovalorizzazion o a saran impleâts pe produzion di CSS (Combustibil Solit Secondari) e no plui butâts vie. Si gjenere, cussì, un precedent virtuôs in regjon, che al promôf procès atents a ridusi i impats ambientâi, intal rispiet e intune otiche di economie circolâr. (A.D.G.) – 03.07.2023
