123
Un camion si è ribaltât intal prin dopomisdì di vuê su la strade regjonâl che di Tavagnà e puarte a Reane dal Roiâl ae altece dal McDonald. Il mieç pesant si è ribaltât suntun flanc, ostruint part de cjarezade.
Il vuidadôr no si è fat mâl e al è saltât fûr di bessôl de cabie di vuide. Sul puest a son rivâts i Carabinîrs pai rilêfs e par sierâ al trafic il trat di strade e lis Vuardiis dal fûc che cuntune grue a àn rimetût il mieç in cjarezade sot de ploie. Dilunc des operazions si è creade une lungje code di auto che e à blocât la viabilitât par cualchi ore ancje par cause dal ueli su la strade. (A.D.G.) – 03.07.2023
