Folkest: une targhe tal non di Lorenzo Marchiori

Si son sieradis tal segn des gnovis propuestis lis zornadis a S. Denêl dal festival di musiche Folkest. Protagoniscj de ultime serade, lunis ai 3, i finaliscj dal Premi “Alberto Cesa”. La decime novesime edizion e je lade ai puliês Yaraka, seconts classificâts i toscans Luarte Project, tierçs i piemontês Grame Tera. “Chest al è un premi che i tignìn tant – al à displeât il diretôr artistic dal festival e president di jurie, Andrea Dal Favero – parcè che al segne la ricercje costante di artiscj e di gnovis propuestis di valorizâ che e je nestre. L’an che al ven o volìn introdusi une targhe speciâl che e sarà dedicade a Lorenzo Marchiori, amì e gjornalist che nus à lassât di pôc”. (A.I.) – 04.07.2023