Daspò dal grant sucès des primis cuatri edizions in Place S. Jacum cun Remo Anzovino, Gnu Quartet, Dardust e Davide Locatelli, sabide ai 8, aes 7 de matine, a Udin al larà in sene il tant spietât “Conciert dal Jevâ”, che al jere stât rimandât une setemane indaûr. Pe prime volte in Cjistiel, inte prime sabide di licuidazions in centri, la jentrade e je gratuite e des 6 di buinore a saran disponibii i bus par rivâ sù intal Plaçâl, dulà che si tignarà l’avigniment. Protagoniscj di chest apontament a saran i 40 Fingers, un cuartet di ghitariscj che al è daûr a concuistâ la rêt e i palcs di dut il mont, in graciis des propriis rivisitazions magjistrâls e i rangjaments di tocs innomenâts di rock, pop e colonis sonoris dal cine e de television. (A.I.) – 07.07.2023
Foto di S. Di Luca
