“Art tal ort” al torne ‘a cjase’ a Feagne

Il festival “Art tal ort” al torne ‘a cjase’, intal comun che al à ospitât dutis lis edizions prime di chest an, Feagne, cuntun dopli apontament in program ai 12 di Lui, sot sere. In place Unitât di Italie il spetacul di circ e teatri “Car Wash”, cun Agro the Clown, al strissinarà il public intune ardinte ondade di divertiment… a colps di sponze, e al sarà replicât a Morùs, in plaçâl dal Municipi, doi dîs dopo. A Feagne, la tape principâl di cheste gnove edizion di “Art tal ort” e je in program cuntun altri spetacul, chel cu la Microband (Luca Domenicali e Danilo Maggio) e lis sôs sinfoniis di ridi, su violins sunâts cun archets invisibii. Joibe ai 13 la rassegne e torne a Udin, al Giangio Garden, cuntun altri spetacul di Agro the Clown. (A.I.) – 11.07.2023