Pordenon, la liende Joey Baron al siere la rassegne jazz

Si siere miercus ai 12 di Lui la rassegne di concierts firmâts pal Teatri Verdi di Pordenon di Francesco Bearzatti. “Open Jazz 2023”, che e à acompagnât il public intun cressint di propuestis artistichis, e siere in piazzetta Pescheria, intal centri storic di Pordenon, cui Mixmonk; un tercet di piano, sax e batarie nassût intal 2017 par celebrâ il centenari di Thelonius Monk. Protagoniscj: la super stele americane de batarie Joey Baron, colaboradôr ancje di artiscj di musiche rock e pop, e musiciscj di prin plan tant che Bram Di Looze e Robin Verheyen. (A.I.) – 11.07.2023