La musiche dai Police a Udin sunade dal baterist e di artiscj furlans

Nol è dome che il conciert plui spietât di “Udin&Jazz”, ma un di chei plui conseâts dai esperts. “Police deranged for Orchestra”, miercus ai 12 sot sere al Teatri “Giovanni da Udine”, nol è chel de formazion che dal 1978 al 1983 e à vendût 70 milions di discs, i Police. Al è un progjet orchestrâl volût dal baterist dal tercet, Stewart Copeland, che pe ocasion al à tirât dentri la Fvg Orchestra, il jazzist Alessandro Turchet e, par dutis lis datis talianis dal tour, ancje il ghitarist udinês Giovanni Rojatti. “Al è pardabon un spetacul maraveôs e grandonon – al à sclarît Rojatti in esclusive intal numar di ‘il Friûl’ in edicule cumò – al somee pop, al somee punk, al è essenziâl ma cetant rafinât. Al fâs capî che, fin cumò, o vin viodût dome che une piçule part dai Police!”. (A.I.) – 11.07.2023