A Cividât al torne a vierzi l’Ipogjeu Celtic

Dopo jessi stât sierât, prime pe emergjence Covid e po dopo pe realizazion di cualchi intervent tecnic necessari a miorâ la jentrade, il Comun di Cividât al torne a vierzi al public l’Ipogjeu Celtic di sabide ai 15. Il sît tant famôs, forsit chel plui misteriôs dal centri cividin, si podarà visitâ fin a Setembar cui speleolics dal Coleç regjonâl des Vuidis e dai Mestris di speleologjie. Ogni fin de setemane al sarà pussibil partecipâ a visitis vuidadis (5 euros il biliet, ancje cul caschet) partint dal Informacittà di Palaç de Nordis, une volte ogni ore. Si larà jù duncje in massime sigurece, valorizant il sît cuntune visite vuidade. (A.I.) – 13.07.2023

Fotografie di S. Mazzurco