Musiche e solidarietât par doi dîs di fieste a Osôf

A Osôf al torne, cu la vincjesime tierce edizion, il ”Concerto per un Fiore”, apontament tradizionâl al Parc de Colonie. Dôs  seradis benefichis ae insegne de musiche, dal bon mangjâ e de solidarietât, organizadis de associazion Friûl Adventures–Fiore, in memorie dal amì Fiorenzo “Fiore”, muart intal 1998 par vie di un incident sul lavôr. Si tache vinars ai 14 cui Overcover e i Texas Tastle. Sabide ai 15 Barbara Errico & The Short Sleepers, Power Flower e Stone Cold, ma ancje la partecipazion di diviersis associazions di volontariât sociâl dal teritori e la prime edizion de marcje par “Fiore”. (A.I.) – 13.07.2023