La storie di Anna Frank sunade di furlans sot dai 35 agns

Inte suaze dal trentesim novesim Congrès internazionâl Willems, il centri Ricerca Divulgazione Musicale, in colaborazion cun Armonie in Città, al propon martars ai 18 a Udin, inte Glesie di S. Pieri Martar, la storie di Anna Frank rielaborade de scritore Melanie Challenger. Il risultât al è il libret di Annelies di James Whitbourn, che al devente une opare in version di cjamare, proponude pe prime volte intal 2022, in graciis di un progjet de Fondazion Luigi Bon, di vicino/lontano e Mittelfest, sunât di zovins artiscj regjonâi sot dai 35 agns. (A.I.) – 17.07.2023