“Musiche dal mondo”: al è il moment di Marc Ribot

Seconde serade di “Musiche dal mondo”, il festival transfrontalîr inmaneât di Controtempo e Kud Morgan jenfri Gurize e Nova Gorica. A vile Attems di Lucinîs, miercus ai 19 aes 9.30 sot sere, al torne in regjon un artist di innomine mondiâl, il ghitarist Marc Ribot, che al à a pene publicât ancje la sô autobiografie. In “Solo” al propon un conciert dome cu la ghitare, dulà che al cumbine elements musicâi che a spaziin dal jazz al punk, fin aes colonis sonoris pal cine. (A.I.) – 18.07.2023

Fotografie di S. Gaither