Un ‘toc’ di Pink Floyd a Palme

Nick Mason, il baterist di liende dai Pink Floyd, pieris miliârs de storie de musiche, al vierç joibe aes 8 sot sere in Place a Palme la sezion musicâl di Onde Mediteranee, cuntun conciert che al è daûr a tirâ dongje un public di dute Italie dal Nord e di di là dal confin. Mason al rive in Friûl-Vignesie Julie pe seconde tape dal tour dai Saucerful of Secrets, che al propon i tocs che a àn segnât i agns formatîfs dai Pink Floyd, prime di “The dark side of the moon” e soredut tal timp di Syd Barrett. Cul grant baterist e je une super band che si è formade intal 2018 e che e cjape dentri ancje Gary Kemp dai Spandau Ballet! (A.I.) – 18.07.2023