Senari di vuere dopo il burlaç

Passade la pôre, in Friûl al è il moment de conte dai dams dopo il burlaç di tampieste e aiar di lunis di sere. Colpide dute la fasse centrâl de regjon, dal confin cul Venit fin a chel cu la Slovenie, cun diviers ponts critics che a àn ripuartât dams cetant impuartants: l’epicentri inte zone di Puçui, Bicinins e soredut Mortean, dulà che l’aiar al è rivât a cuasi 150 km/h, provocant dams a cjasis, aziendis, edificis publics, cjapant dentri ancje il municipi e la cjase di ricovar, cuntun senari cuasi di vuere, in cualchi strade. La Regjon e à decidût za di stanziâ 50 milions di euros pai prins intervents, in zonte ai decrets precedents.  (A.I.) – 26.07.2023