Flâts gjaponês ‘in residence’ in Friûl

Dopo il debut a Tavagnà, al jentre intal vîf, tacant di vinars ai 28, la piçule tournée dal Japan Brass Ensemble, une formazion fate di 15 students gjaponês e vot di dute Italie, in Friûl par “Music System Italy”, il progjet di SimulArte. I concierts si tignaran intal Domo di Vençon, il dì dopo sot de Loze dal Lionel a Udin e domenie ai 30 a Pordenon. Vuidâts di Ottaviano Cristofoli, un furlan che di agns al è a stâ a Tokyo, dulà che al è la ‘prime trombe’ de Japan Philharmonic Orchestra, i musiciscj in residence artistiche in Friûl a sunaran insiemi cui insegnants rivâts in Friûl pai cors. (A.I.) – 27.07.2023