I mosaiciscj di Spilimberc a esponin i lôr lavôrs

Intai spazis de Scuele dai Mosaiciscj dal Friûl di Spilimberc si scree aes 6.30 dopomisdì di vinars ai 28 la vincjesime novesime edizion di “Mosaico&Mosaici”, la esposizion che e presente il miôr des oparis e dai progjets realizâts dai arlêfs dilunc dal percors formatîf dal an 2022/2023. L’avigniment, che al è al centri dal calendari anuâl de scuele, al è aromai un apontament di no podê pierdi par ducj chei che a amin la art dal mosaic. Un moment impuartant che al conte cetant pe Scuele e pal so rûl centrâl pal mosaic a nivel no dome regjonâl, ma ancje internazionâl. Une ocasion par dâ merit ai arlêfs e ai insegnants de scuele. (A.I.) – 27.07.2023