Udin in vore par tornâ a fâ lis stradis

Gnûfs intervents par 115 mil euros par fâ deventâ plui siguris lis stradis di Udin. A son za in cors i lavôrs di vie Chiusaforte, che a finaran ai 11 di Avost. L’intervent al previôt di tornâ a fâ la pavimentazion stradâl, cul adeguament de cjarezade in prevision de piste ciclabile viers Nord che e sarà fate dentri dai 31 di Dicembar. Dai 4 ai 10 di Setembar a saran fats i lavôrs in vie Planis, in corispondence de crosere cul Cavalcavia Simonetti, dulà che a saran slargjâts i marcjepîts. Inte ultime setemane di Setembar, intervents al confin cun Felet, in vie Pascats e vie Gran Selva, par ristruturâ la asfaltadure, ancje chi prejudicade in maniere serie. (A.I.) – 03.08.2023