Dopo vê viodût l’incolonament di autos in jessude dal casel di Pontebe, dôs automobilistis austriachis a àn fat inversion di marcje cu lis lôr autos, cjapant cuintri man il svincul che les podeve tornâ a puartâ su la A23. La manovre pericolose e à fat daurman saltâ l’alarme tra il personâl di Autostrade per l’Italia che, in pôcs seconts, al à rivât a blocâ i doi veicui in spiete de rivade de Polizie Stradâl.
Il fat al è sucedût intal dopomisdì di vinars passât, dilunc di une des zornadis cun trafic di bolin ros previodût pal esodi estîf, in jentrade e in jessude de Italie.
La bulade e je costade aes dôs feminis il ritîr de patente e il fer aministratîf par trê mês dai veicui, plui une sanzion che e podarès rivâ fin a un massim di 8.186 euros. (a.d.g.) – 09.08.2023
