A Aquilee, la musiche des gjenerazions zovinis

Dai 23 ai 27 di Avost al torne “AquileiaYoung Festival”, la rassegne a jentrade libare in place Capitolo dedicade aes gjenerazions zovinis, inmaneade dal Comun di Aquilee e di The Groove Factory. La seconde edizion e à tant che sottitul “Gjenerazions a confront” e sul palc no saran presints dome artiscj sot dai 35 agns, ma ancje esponents dal mont de musiche e de art di diviersis gjenerazions. Si scomence miercus ai 23 cun “This is Groove Livin’ Motion”: un spetacul di musiche, danze e arts visivis, cun tancj ospits. Joibe ai 24, uniche tape in regjon pal rapper roman Il Tre: a vierzi la serade, la zovine furlane Shari, za viodude a Sanremo, che vinars ai 25 e sarà al centri di un avigniment trasmetût ancje pe radio, cun ospit speciâl Francesco Fachinetti. Sabide ai 26 il concors “Mosaico di Voci”, cun ospit e president di jurie il cjantautôr Francesco Baccini e il dì dopo e sarà une maratone di ospits. (A.I.) – 21.08.2023