La storie di Maniacco al mâr presentade a Lignan

Un altri event par furlan pai “Incuintris cul autôr e cul vin 2023”, la rassegne storiche enoleterarie promovude de Associazione Lignano nel Terzo Millennio cun a cjâf Giorgio Ardito. Vinars ai 25 di Avost, aes 6.30 dopomisdì tal PalaPineta, il Teatri Stabil Furlan al presente la leture seniche par furlan “Tito Maria al viôt il mâr”, gjavade fûr de conte di Tito Maniacco di une des primis edizions di “Lignano: ti racconto”. La traduzion in lenghe furlane e je di Tarcisio Mizzau, la vôs e je chê di Massimo Somaglino e la ghitare di Denis Biason. Il protagonist de conte di Maniacco al è un om aromai indenant cu la etât, cuntune memorie pardabon vive, plene di particolârs, di personaçs, di imagjins e di sensazions. (A.I.) – 24.08.2023