Vidiel al cole intune vascje, salvât des Vuardiis dal fûc

Cheste matine un vidiel dal pês di plui o mancul 8 cuintâi al è colât intune vascje che di chê nol rivave plui a lâ fûr, in localitât Malghe Cjamp a Budoie. In socors dal animâl e je rivade la squadra des Vuardiis dal fûc dal distacament di Manià che, viodude la impussibilitât di recuperâ a man il nemâl e calcolât che la autogru no podeve rivâ sul puest, al à domandât l’intervent di Drago 154, l’elicotar dal Repart Svol des Vuardiis dal fûc di Vignesie. Un veterinari al à bonât il vidiel par permeti aes Vuardiis dal fûc di sistemâlu dentri di une speciâl imbragadure che e je stade sigurade al ganç baricentric dal elicotar. Il vidiel al è duncje stât traspuartât intune zone sigure dongje dal passon, dulà che dopo al è stât molât. (a.d.g.) – 28.08.23