Dal cjalt stofadiç e infogât ae ploie intense. E je rivade in regjon la ondade di brut timp, la Protezion Civîl e à dât fûr îr, domenie, une alerte narancine par temporâi, ancje fuarts, cu la pussibilitât di tampiestadis. Lis temperaduris a àn scomençât za a calâ e la diference si sintarà soredut usgnot.
Aes 11 di cheste matine e je stade fate une conference inte sale operative de Protezion Civîl regjonâl a Palme. Lis precipitazions intensis, acompagnadis ancje dal aiar fuart, a àn causât di fat i prins problemis sul teritori. Vuê a buinore e je stade sierade, par dopo jessi tornade a vierzi, la strade regjonâl 355 a For Davôtri, in localitât Plans di Luce. Si segnale dopo la cjadude di arbui, in particolâr a Comelians e a Vît. Vuardiis dal fûc in azion a For Disot par un inagament. L’aiar fuart al à causât dams a une abitazion di Montreâl, in localitât Gris. A Sapade, in prossimitât di Borc Cretta, si è verificât un slac dilunc di une strade secondarie, al servizi di boscs e passons. (a.d.g.) – 28.08.23
