I carabinîrs dal Nucli ispetorât dal lavôr di Triest, cu la colaborazion dai militârs dal Comant provinciâl, a àn fat ispezions in cuatri impresis di implants par lavâ machinis, là che a risultavin a vore 20 lavoradôrs, fasint sanzions aministrativis di 20 mil euros.
I controi a son stâts fats dilunc di une ativitât par prevignî e cidinâ fenomens di sfrutament dal lavôr e dal lavôr in neri e ae verifiche de normative su la sigurece intai lûcs di lavôr. A son stâts duncje intensificâts i controi tra lis societâts che a operin intal setôr dai implants par lavâ machinis e dai servizis.
Intal detai, intal cors des verifichis, al è stât aciertât che une imprese e impleave un lavoradôr in neri tra i cinc presints, cussì al è stât mandât fûr il proviodiment di sospension de ativitât imprenditoriâl. Intun altri câs, invezit, e je stade contestade al datôr di lavôr la mancjade formazion su la sigurece dai cinc dipendents.
Al è stât sanzionât ancje un datôr di lavôr di une imprese di servizis, che i vignive contestade la violazion de normative su la polse di 40 dipendents. (a.d.g.) – 29.08.23
