113
La ultime zornade dal “Arlecchino Errante 2023”, il festival teatrâl in cors a Pordenon, e previôt dôs compagniis internazionâls impuartantonis in sene li dal Ex Convent di S. Francesc. Si scomence aes 7 sore sere cu la tierce e ultime repliche di “Sheol”, studi teatrâl su Muart e Amôr ideât e scrit di Monika Wachowicz e Jarosław Fret, presentât achì in prime taliane. Intal Claustri dal convent, aes 9.15 sore sere, la compagnie catalane di paiaçs Los Galindos e presente la gnove creazion, “MDR – Morto Dalle Risate”. Une esperience seniche dedicade a grancj e piçui, par une bugade di otimisim e ancje par incoragjâ il spirt critic. (A.I.) – 04.09.2023
