106
“Il Guvier no si è dismenteât dal Friûl-Vignesie Julie. O continuarìn a lavorâ par che nissun nol resti in strade e par che no sedin situazions di degrât, ni pai migrants e nancje pai citadins”.
Lu à dit il ministri dai Internis Matteo Piantedosi vuê a Mugle, in ocasion de cerimonie di intitulazion dai Giardini Europa al assistent de Polizie di Stât Eddie Walter Max Cosina, muart ai 19 di Lui dal 1992 intal atentât che al à copât il judiç Paolo Borsellino e la sô scorte.
Sul hotspot al à ribatût che la eventuâl decision su dulà fâlu e sarà cjapade in acuardi cu lis istituzions dal teritori e rispietant lis sensibilitâts di ducj. (a.d.g.) – 05.09.2023
