Il Pordenon nol zuiarà nancje tai diletants

L’an che al ven, il Pordenon nol zuiarà nancje in Ecelence. Dopo vê rinunziât ae serie D, al è saltât l’acuardi cui tesserâts pe conciliazion dal debit sportîf: impussibil, a chest pont, ancje notâsi intai torneus dai diletants. Une fin ingloriose par une societât che pôcs agns indaûr e jere rivade cuasi a concuistâ la serie B: cence sponsor, cence bêçs par paiâ i zuiadôrs, cence un acuardi sindicâl. La societât e à decidût di notâsi e partecipâ dome ai campionâts di zovins, par dâ continuitât ae aziende, simpri a pericul faliment. (A.I.) – 06.09.2023