Orchestre furlane di ska-jazz in trasfierte a Turin

Daspò il sucès de North East Ska Jazz Orchestra e dai Wicked Dub Division in Avost al festival “Pol’ and’ Rock” in Polonie, si rinfuarce la colaborazion fra lis furlanis Slou – Societât Cooperative e Run it Agency. In graciis de rassegne “Estensioni – Jazz club Diffuso”, sabide ai 9, la North East Ska Jazz Orchestra – una gruesse bande di 18 elements, nassude tal 2012 par meti dongje personis ativis intal panorame de musiche gjamaicane e chê afroamericane – e sunarà intal prestigjôs “CAP10100” a Turin, tal mieç di un tour talian. (A.I.) – 07.09.2023