I zîrs in bici di Pasolini a deventin une opare di art

Un cicli di intervents artistics che a segnin lis tapis di un percors poetic, e al stes timp fisic, che Pasolini si cjatave a passâ ogni dì in biciclete, in chel itinerari tra Voleson, Cjasarse e Codroip (Prâts di Lorêt e Guriziz) che si lee ae sô esperience di zovin insegnant in Friûl. Intune cu lis sugjestions des lûs di artist e de “text art” (la art des peraulis), chest al è il centri dal progjet permanent “ParoleParoleParole”, une opare difondude firmade dal coletîf di Art Sociâl DMAV e de associazion START Culture. Un itinerari concetuâl segnât di peraulis gjavadis de opare di Pasolini e fat cun instalazions luminosis al neon o colocadis su lis façadis di cualchi edifici, di là di une scrite di artist a tiere. Il progjet al sarà presentât martars ai 12 sot sere a Guriziz. (A.I.) – 11.09.2023