I cambiaments climatics a tain la produzion vitivinicule in Friûl-Vignesie Julie dal 10%. E je la prevision di Assenologi, Ismea e Unione italiana vini, che par chest an e fisse a 1,98 milions di etolitris la produzion di vin e most inte nestre regjon, 220 mil etolitris in mancul rispiet al an passât.
E je une flession di pôc plui basse de medie nazionâl (-12%), ma e je chê plui consistente dal Nord Italie. Intal setentrion, di fat, la produzion e sarà stabile (-0,8%). Di là dal Friûl-Vignesie Julie, dome Emilie-Romagne e Piemont a regjistraran un câl produtîf. (a.d.g.) – 12.09.23