Un artist american al done lis sôs oparis ae Cjargne

Inte sale cunvignis de Comunitât di mont a Tumieç, inte suaze di une cerimonie publiche, vinars ai 15 a vignaran donadis ai comuns de Cjargne lis oparis che Joseph Litzinger, un artist di Hollywood, al à fat cjapant ispirazion des contis e de corispondence cul so amì, il pitôr cjargnel Francesco Rinoldi. Za vie pal Istât dal 2010, a Tumieç, al jere stât pussibil viodi lis oparis dal artist inte mostre “California Dreamin’”. Intai ultins mês, Litzinger al à pandût ae Comunitât di mont de Cjargne la volontât di donâ lis altris oparis ai comuns: Amâr, Dimpeç, For di Avoltri, Paulâr, Prât, Davâr, Ravasclêt, Rigulât, Sauris, Soclêf, Trep Liussûl e Vile di Cjargne. (A.I.) – 14.09.2023