Miercus ai 20 di Setembar al è il dì che la Cort Costituzionâl e mandarà fûr il so judizi su la pussibilitât di continuâ il procès ai torturadôrs e ai sassins di Giulio Regeni, ancje in assence dal domicili dai 4 imputâts – agjents dai servizis segrets egjizians – e duncje inte impussibilitât di citâju in judizi. La famee dal ricercjadôr sassinât in Egjit e à clamât a une gnove iniziative coletive par domandâ ancjemò une volte veretât e justizie par Giulio: su la bancjute zale a lui intitulade, in place Grecia a Rome, a tacâ des 10.30 di matine e je organizade une manifestazion cun leturis dal libri “Giulio fa cose”. La manifestazion si ripetarà in diviersis citâts de Italie e ancje in regjon: inte sede de Fondazion Luchetta a Triest e a Roncjis di Monfalcon su iniziative di Leali delle Notizie. (A.I.) – 18.09.2023
126
