109
Al è tornât a cjase cjoc e a àl dât jù ae sô compagne devant dal fi minôr par dopo jessi arestât dai carabinîrs. Par un forest di 35 agns, resident a Codroip, îr dopomisdì si son viertis lis puartis de preson.
L’om, che al patìs di problemis psicologjics, al è jentrât a cjase cjoc in bale e, ae fin de enesime barufe cu la convivente, le à cjapade a pidadis e a pugns. E je stade une altre femine, che e vîf inte stesse cjase, a clamâ i carabinîrs. Sul puest a son rivâts daurman i militârs de stazion di Codroip che a àn arestât l’om, puartât in preson a Udin.
La femine invezit e je stade assistude dal personâl sanitari rivât sul puest e e je stade acompagnade tal ospedâl. (a.d.g) – 20.09.23
