Scuintri tra auto e biciclete a Roncjis di Monfalcon

Un ciclist di plui o mancul 60 agns al è stât socorût a Roncjis di Monfalcon, dopo jessi colât par tiere par vie di un scuintri sucedût cuntune veture in vie Giovanni Battista.
L’incident stradâl al è sucedût tor des 7 di cheste matine par causis in cors di aciertament de bande des fuarcis dal ordin. Dopo la clamade di jutori al 112, il ferît al è stât traspuartât in elicotar in codiç zâl li dal ospedâl di Cattinara a Triest. (a.d.g.) – 21.09.23