Un citadin pakistan di 21 agns al è stât arestât in flagrance par rapine improprie. Il fat al è sucedût martars passât ai 19 di Setembar, cuant che l’om al è lât fûr de buteghe Zara cence paiâ un pâr di scarpis che al veve robât di un espositôr scuindintlis in maniere malsacodade sot de maie.
Il zovin al è stât blocât al esterni de buteghe di vie Paolo Canciani di un assegnât ae sigurece che si jere acuart de robarie. Cence rassegnâsi, il lari al à provât a svuincâsi doprant lis manieris fuartis. Dibant la sô fuide sucessive. Il forest al è stât fermât cualchi istant dopo dai agjents de Polizie di Stât intal centri di Udin.
Lis cjalçaduris, dal cost di 50 euros, a son stadis recuperadis e tornadis ae buteghe. Îr di matine, dilunc de validazion dal arest, il Gip al à disponût pal forest la misure cautelâr de improibizion di vivi intal teritori dal comun di Udin. (a.d.g.) – 21.09.23
