128
Dopo Angers, Liegi e Milan, la trentesime prime edizion de “Ecole des Maîtres”, cors internazionâl itinerant di perfezionament teatrâl, un progjet di formazion che chest an al passe siet citâts europeanis, e fâs tape a Udin in graciis dal CSS, Teatri stabil di inovazion dal F-Vj, compagn storic e prin de file dal progjet european. L’atôr e regjist francês argjentin Marcial Di Fonzo Bo al è al lavôr di cualchi dì a Vile Manin di Passarian, in colaborazion cu la dramaturghe e tradutore Marianne Segol Samoy, cu lis 16 arlevis e i arlêfs di Italie, Belgjiche, France e Portugal. Il risultât al vignarà presentât al public martars ai 26, aes 7 sore sere. (A.I.) – 25.09.2023
