Salvade dal socors alpin escursioniste di 65 agns su la mont Pic di Sarc

Une escursioniste di 65 agns e je stade socorude tra lis 3 e lis 5 di vuê dopomisdì dal ecuipaç dal elisocors regjonâl cul secont elicotar in dotazion intant che si cjatave intune zone tant erte su la cueste meridionâl de Mont Pic di Sarc. La femine e veve pierdût il troi, un segn neri che al va jù a Ta-Na Rawni de Mont Pic di Sarc, cjatantsi blocade su clevis tant ertis a plui o mancul 1.600 metris di cuote cence rivâ plui a lâ indevant. La Sores e à alertât la stazion di Mueç dal Socors Alpin, la Vuardie di Finance e l’elisocors regjonâl. Doi socoridôrs a son stâts imbarcjâts e, cu lis coordenadis furnidis midiant il servizi di gjeolocalizazion SMS locator, a àn esplorât il larc mûr plui voltis rivant infin a individuâle cundut che i colôrs dai abits che e meteve a fossin pôc visibii. La femine e je stade cjariade e puartade jù a val. (a.d.g.) – 25.09.23