Cristicchi a Pordenon par cjapâ il sigjîl de citât

Il Comun di Pordenon al consegnarà il sigjîl de citât a Simone Cristicchi, di agns intun viaç artistic adun cu la Academie Naonis e sielt tant che testemonial di chest rapuart speciâl cu la citât, cence dismenteâ il so leam cu la storie dal Friûl-Vignesie Julie, in graciis di spetacui tant che “Magazzino 18”, “Esodo” e “Orcolat 76”. La ocasion e je il conciert di domenie al prin di Otubar al “Teatro Verdi”, dulà che la Academie Naonis e presentarà, biadelore inte sô citât, il spetacul “Torneremo ancora. Concerto mistico per Battiato”, une produzion che e viôt protagoniscj Cristicchi, la vôs di Amara e un grup di artiscj regjonâi, cu la direzion musicâl dal furlan Valter Sivilotti. (A.I.) – 28.09.2023