Setante agns indaûr, la imprese dal Batiscaf ‘Trieste’

Il setantesim aniversari de prime imersion di record inte Fuesse Tireniche dal Batiscaf ‘Trieste’ al vignarà celebrât sabide ai 30 di Setembar te isule di Ponza, presint Enrico Halupca, l’autôr dal libri “Il Trieste” de cjase editore Italo Svevo, che al vignarà presentât in anteprime pe ocasion. Ai 30 di Setembar dal 1953, al larc de isule di Ponza, il Batiscaf ‘Trieste’, cun Auguste e Jacques Piccard, al rivà a une profonditât record di imersion mai cjapade prime di un om. Par memoreâ la imprese storiche, inte isule si tignarà une zornade cun intervents, imagjins, filmâts e testemoneancis. (A.I.) – 29.09.2023