101
Sburtade dal lari intant che lu beche a robâ inte sô abitazion. A son stâts moments di pôre par une femine di 31 agns che îr di sere, intant che e jere daûr a jentrâ a cjase, in vie Candotti a Remanzâs, e à becât un malvivent che al jere a pene jentrât dentri cjase traviers un barcon. Il lari, provant a scjampâ dopo jessi stât scuviert, le à sburtade a tiere fasintle rodolâ jù pes scjalis.
La femine e je restade feride e e je stade puartade li dal ospedâl di Udin. Sul puest a son intervignûts i carabinîrs di Cjampfuarmit. (a.d.g.) – 28.09.23
