I vincidôrs de “piçule Sanremo” al ‘Teatron’

E rive di Cecina, in provincie di Livorno, la vincidore de trentesime seste edizion di “Percoto Canta”, un pont di riferiment prestigjôs par tancj cjantants che a vegnin di dute Italie. La zovine Claudia Sacco, 17 agns, e à convinçût la jurie di cualitât, componude di Bungaro, Chiara Galiazzo, Massimo Varini, Sergio Cerruti e Massimo Della Pelle, inte finâl che si è davuelte sabide ai 30 di Setembar sul palc dal teatri gnûf “Giovanni da Udine”, trasformât intune “piçule Sanremo”. Il premi de critiche, assegnât di gjornaliscj, al è lât invezit a Luca Vidale, di Lozza in provincie di Varese, intant che chel de Afi, la Associazion taliane dai fonografics, al è lât a Luana Giuseppa Frazzitta di Pise. (A.I.) – 02.10.2023