Enrico Galiano e la art di falâ e di tornâ a partî

Daspò des anteprimis di Setembar, a Otubar a son in program doi gnûfs apontaments che a anticipin la seste edizion dal “Festival del coraggio”, in calendari dai 11 ai 15 di Otubar a Çarvignan. “Gjeografie di un dolôr perfet” al è il titul dal incuintri che al viodarà tant che protagonist Enrico Galiano, miercus ai 4 inte sale consiliâr dal Comun di Aquilee: il professôr al fevelarà di personis e di paisaçs, ma ancje di sieltis, deviazions, distancis, ripensaments che a àn a ce fâ cul fat di “olsâ”, cu la art di falâ e di rialçâsi, di tornâ a partî, di cambiâ. Vinars ai 6 a Strassolt, incuintri cul furlan Mattia Bidoli, citadin dal mont che di agns al met intal so russac i zûcs di magjie e lis machinis fotografichis e al va intes zonis di vuere, intes presons, intai ospedâi, intai cjamps dai rifugjâts. (A.I.) – 02.10.2023