Patti Smith in conciert li dal ex confin di Gurize

Il plaçâl de Cjase Rosse, che al è stât par agnorums la frontiere fra Gurize e Nova Gorica e cumò al è deventât il simbul de colaborazion tra lis citâts, joibe ai 5 al da acet al conciert tant spietât di Patti Smith, une vere icone de musiche rock che vie pe sô cariere musicâl e à influençât diviersis gjenerazions di grups e di artiscj, e ancjemò vuê e continue a regalâ prestazions straordenariis e a alte intensitât. Artiste inovative e ancje rivoluzionarie a so mût, stele dal rock e dal punk, ma ancje artiste visive, ispirade di Pier Paolo Pasolini, Patti Smith e je stade sielte pal prin grant avigniment gratuit des celebrazions pes Capitâls de Culture Europeanis 2025. Prime dal so conciert, sul palc une band slovene (Imset) e une furlane (Overlaps) intune place che e pues tignî fin a dîs mil personis. (A.I.) – 04.10.2023