Une vore di musiche te stagjon dal ‘Pasolini’ di Çarvignan

A son 18 i apontaments di spetacul dal vîf de gnove stagjon artistiche di teatri, danze, musiche e cine dal Teatri Pasolini di Çarvignan, ae vincjesime setime edizion, fate dal CSS Teatri stabil di inovazion dal F-Vj, Euritmica e Bonawentura. Nûf i spetacui di teatri e di danze, vot di musiche, plui un avigniment condividût dal CSS e di Euritmica, un gnûf laboratori di Teatri partecipât diret di Rita Maffei cun Barbara Errico dai 18 di Otubar e un siôr palinsest cinematografic. Il sipari si alçarà ai 21 di Otubar cun Filippo Nigro e Every Brilliant Thing. Po dopo, il conciert “canto libero”, cu lis cjançons di Battisti e di Mogol, chel dal ghitarist jazz Matteo Mancuso e il Teatro Incerto cul gnûf spetacul Cumbinìn (Intrics e poesiis), Il Balletto di Siena e la cjantautore Ginevra Di Marco. Intal 2024, Piero Sidoti, un Tribût a Frank Zappa, il jazzist Francesco Bearzatti e i Quintorigo cul gjornalist Gino Castaldo. (A.I.) – 04.10.2023