La opare mestre dal triestin Italo Svevo, “La coscienza di Zeno”, e fâs cent agns, ma e je plui vivarose e atuâl che mai. Lu dimostre la gnove metude in sene dal spetacul gjavât fûr dal innomenât romanç psicanalitic publicât pe prime volte intal 1923, proponude dal Teatro Stabile del Fvg e di Goldenart Production cu la regjie di Paolo Valerio, in program tal Teatri gnûf ‘Giovanni da Udine’ di martars ai 10 a joibe ai 12 di Otubar. Il spetacul al è il prin apontament in program de vincjesime setime stagjon di prose e al à debutât za al Teatri “Rossetti” di Triest. Al centri de sene al è Alessandro Haber, che al à il rûl di coniugâ la profonditât e la ironie sureâl di Zeno Cosini, un personaç che al somee tant a un dal nestri presint. (A.I.) – 09.10.2023
La opare mestre di Svevo: 100 agns, ma simpri buine
107
