Li de cantine Canus il libri di Sara Segantin sul ‘cjan d’aur’

Cuart apontament cu la rassegne eno culturâl “Di libro in vigna”, joibe ai 12. Nassude de colaborazion tra la cantine Canus, aziende agricule di proprietât de famee Casonato, e lis librariis Lovat, la rassegne e à proponût tai ultins mês une schirie di incuintris cetant preseâts dal public par contâ la passion pes vîts e pes peraulis e la impuartance di coltivâ cun atenzion e dedizion. In vie Gramoian a Cuar di Rosacis, prime di un aperitîf cui vins de aziende, Sara Segantin e fevelarà dal so libri “Il cane d’oro” (ven a stâi, il siacal, jessût par Rizzoli) in dialic cun Anna Piuzzi. La autore, che e je ancje alpiniste e comunicadore sientifiche, e je tra i fondadôrs dai Fridays for Future. (A.I.) – 11.10.2023